ភ្នំពេញ៖ ក្រោយចប់ពិធីបុណ្យចូលឆ្នាំខ្មែរ នាព្រឹកថ្ងៃទី១៧ ខែមេសា ឆ្នាំ២០២៣ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានមកវាយកូនគោលនៅទីលានវាយកូនគោលដែលស្ថិតនៅក្នុងក្រុងតាខ្មៅដើម្បីឱ្យស្រកគីឡូ។
សម្តេចតេជោ បានបញ្ចេញរូបភាព និងវីដេអូវាយកូនគោល ដោយសរសេរនៅឆាណែលតេឡេក្រាមជាផ្លូវការដូច្នេះថា៖ «វាយកូនគោលក្បែរផ្ទះដើម្បីឲ្យបែកញើសសម្រកទម្ងន់»។
កាលពីថ្ងៃចូលឆ្នាំទី២ គឺថ្ងៃទី១៥ ខែមេសា ឆ្នាំ២០២៣ នាយករដ្ឋមន្ត្រីកម្ពុជា ក៏បានទៅវាយកូនគោលនៅខេត្តសៀមរាបអំឡុងពេលសម្តេចតេជោចូលរួមក្នុងពិធីបើកព្រឹត្តិការណ៍អង្គរសង្រ្កាន្ត។
ជាទូទៅ សម្តេចនាយករដ្ឋមន្ត្រីឆ្លៀតពេលទំនេរពីភារកិច្ច តែងតែអញ្ជើញមកលេងវាយកូនគោលដើម្បីកម្សាន្តលេង និងដើម្បីឱ្យស្រកគីឡូផងដែរ។ ជាមួយគ្នានេះ សម្តេចតេជោ ក៏តែងតែរៀបចំពានរង្វាន់សម្តេចតេជោនាយករដ្ឋមន្ត្រីក្នុងកម្មវិធីប្រកួតវាយកូនគោល៕